ਪੰਜਾਬੀ--ਸਾਲ10,ਅੰਕ56,8ਨਵੰਬਰ2019
4:12 PM
JANCHETNA
,
ਸਾਲ10,ਅੰਕ56,8ਨਵੰਬਰ2019
ਕੱਤਕ (ਸੁਦੀ)11,ਨਾਨਕਸ਼ਾਹੀ 551.
ਅੱਜ ਦਾ ਵਿਚਾਰ .
ਪੰਜਾਬ
ਦਾ ਇਤਿਹਾਸ-76.
ਗੁਰੂ
ਨਾਨਕ ਦੇਵ ਜੀ ਹਰ ਸਮੇਂ ਅਕਾਲ ਪੁਰਖ ਦੇ ਸਿਮਰਨ ਵਿੱਚ ਲੀਨ ਰਹਿੰਦੇ ਸਨ। ਜੋ ਵੀ ਉਹਨਾਂ ਜਿੰਮੇ
ਕੰਮ ਲਾਇਆ ਜਾਂਦਾ ਸੀ ਉਸ ਨੂੰ ਕਰਨ ਸਮੇੰ ਵਾ ਆਪ ਅਕਾਲ ਪੁਰਖ ਦਾ ਹੀ ਧਿਆਨ ਰੱਖਦੇ ਸਨ। ਇਸ ਤਰਾਂ
ਸੁਲਤਾਨਪੁਰ ਲੋਧੀ ਰਹਿਣ ਸਮੇਂ ਹਰ ਰੋਜ਼ ਸਵੇਰੇ-ਸ਼ਾਮ ਵੇਈ ਨਦੀ ਦੇ ਇਕਾਂਤ ਵਾਲੇ ਅਤੇ ਰਮਣੀਕ
ਵਾਤਾਵਰਣ ਵਿੱਚ ਇਸ਼ਨਾਨ ਕਰਨ ਜਾਇਆ ਕਰਦੇ ਸਨ।
. ਸਿੱਖ ਇਤਿਹਾਸ ਵਿਚ ਅੱਜ .
8 ਨਵੰਬਰ.
ਗੁਰੂ
ਤੇਗ ਬਹਾਦਰ ਜੀ ਦੀ ਗ੍ਰਿਫ਼ਤਾਰੀ
ਗੁਰੂ
ਤੇਗ ਬਹਾਦਰ ਜੀ ਨੇ (ਬਾਬਾ) ਬਕਾਲੇ ਵਿਖੇ ਜਦੋਂ ਗੁਰੂ ਘਰ ਦੀ ਵਾਗਡੋਰ ਸੰਭਾਲੀ ਤਾਂ ਪੈਂਡਾ ਕਾਫੀ
ਬਿਖੜਿਆ ਹੋ ਚੁੱਕਾ ਸੀ।ਗੁਰੂ ਘਰ ਦੇ ਦੁਸ਼ਮਨਾਂ ਨਾਲ ਗੁਰੂ ਜੀ ਘਿਰੇ ਹੋਏ ਸਨ।ਬਕਾਲੇ ਵਿਚ ਮੰਜੀਆਂ
ਡਾਹ ਕੇ ਬੈਠੇ ਗੁਰੂਆਂ ਦੀ ਗਿਣਤੀ ਦਰਜਨਾਂ ਵਿਚ ਸੀ। ਅੰਮ੍ਰਿਤਸਰ ਦੇ ਹਰਿਮੰਦਰ ਉਤੇ ਲਾਲਚੀ
ਪੁਜਾਰੀਆਂ ਦਾ ਕਬਜ਼ਾ ਸੀ। ਦੂਸਰੇ ਪਾਸੇ ਕਰਤਾਰਪੁਰ ਸਾਹਿਬ ਵਿਚ ਧੀਰਮੱਲੀਏ ਬੈਠੇ ਸਨ। ਕੀਰਤਪੁਰ ਸਾਹਿਬ
ਵਿਖੇ ਵੀ ਸ਼ਰੀਕ ਬੈਠੇ ਸਨ।ਦਿੱਲੀ ਦਰਬਾਰ ਉਂਝ ਵੀ ਗੈਰਮੁਸਲਿਆਂ ਵਿਰੁੱਧ ਮੁਸ਼ਕਾਂ ਕਸਣ ਲਈ ਤਿਆਰ
ਬੈਠਾ ਸੀ। ਫੇਰ ਉਥੇ ਰਾਮ ਰਾਇ ਦੇ ਖੈਰ ਖਵਾਹ ਬੈਠੇ ਸਨ। ਗੁਰ-ਗੱਦੀ ਸੰਭਾਲਦਿਆਂ ਹੀ ਪਹਿਲਾਂ ਗੁਰੂ
ਜੀ ਉਤੇ ਬਕਾਲੇ ਹਮਲਾ ਹੋਇਆ। ਗੁਰੂ ਜੀ ਉਤੇ ਗੋਲੀ ਚੱਲੀ, ਮਾਲ ਅਸਬਾਬ ਲੁੱਟ ਕੇ ਲੈ ਗਏ। ਗੁਰੂ ਜੀ ਨੂੰ
ਜਾਣਕਾਰੀ ਸੀ ਕਿ ਉਹ ਜਿੱਥੇ ਵੀ ਜਾਣਗੇ, ਸ਼ਰੀਕ ਇਹੀ ਕੁਝ ਕਰਨਗੇ।ਇਸ ਲਈ
ਉਨ੍ਹਾਂ ਨੇ ਆਪਣੀ ਪੂਰੀ ਸ਼ਕਤੀ ਲੋਕਾਂ ਦੀ ਭਲਾਈ ਕਰਦਿਆਂ ਸਿੱਖੀ ਪ੍ਰਫੁਲਤ ਕਰਨ ਵਲ ਲਾਉਣ ਦਾ
ਨਿਰਣਾ ਕੀਤਾ।
ਥੋੜੇ
ਦਿਨ ਬਕਾਲੇ ਰੁੱਕਣ ਪਿਛੋਂ ਉਹ ਹਜ਼ਾਰਾ,ਦੁਰਗਪੁਰ,ਨਵਾਂ ਸ਼ਹਿਰ ਆਦਿ ਨਗਰਾਂ ਵਿਚ ਪ੍ਰਕਾਸ਼ ਦੀ ਜ਼ੋਤ
ਜਗਾਉਂਦੇ ਉਹ ਕੀਰਤਪੁਰ ਪਹੁੰਚੇ। ਵਿਰੋਧ ਦੇ ਸੁਰ ਏਥੇ ਵੀ ਤਿੱਖੇ ਸਨ। ਥੋੜੇ ਦਿਨ ਉਥੇ ਰੁੱਕਕੇ
ਕਹਲੂਰ ਦੇ ਰਾਜੇ ਕੋਲੋਂ ਉਨ੍ਹਾਂ ਮਾਖੋਵਾਲ ਪਿੰਡ ਦੀ ਭੌਂ ਖਰੀਦ ਲਈ ਅਤੇ ਸਤਲੁਜ਼ ਦਰਿਆ ਦੇ ਕੰਢੇ,ਨੈਣਾ ਦੇਵੀ ਦੀ ਪਹਾੜੀ ਦੇ ਉਪਰਲੇ ਪਾਸੇ ਸ਼ਹਿਰ ਵਸਾਇਆ। ਇਸ ਦਾ ਨਾਂ ਗੁਰੂ ਜੀ ਨੇ
ਆਨੰਦਪੁਰ ਰਖਿਆ। ਜਿਉਂਜਿਉਂ ਉਹ ਅਗਾਂਹ ਵੱਧਦੇ ਗਏ, ਪ੍ਰਚਾਰ ਦੀ ਮੁਹਿੰਮ
ਤੇਜ਼ ਹੁੰਦੀ ਗਈ।
ਕੁਝ
ਚਿਰ ਆਨੰਦਪੁਰ ਸਾਹਿਬ ਰੁੱਕਕੇ ਗੁਰੂ ਤੇਗ ਬਹਾਦਰ ਜੀ ਨੇ ਮਾਲਵੇ ਵਿਚ ਪ੍ਰਚਾਰ ਕਰਨ ਦਾ ਬੀੜਾ
ਚੁੱਕਿਆ।15 ਅਗਸਤ,1665 ਨੂੰ
ਗੁਰੂ ਸਾਹਿਬ ਨੇ ਇਹ ਯਾਤਰਾ ਸ਼ੁਰੂ ਕੀਤੀ। ਪਹਿਲਾ ਪੜਾਅ ਉਨ੍ਹਾਂ ਪਟਿਆਲਾ ਦੇ ਪਿੰਡ ਮੂਲੋਵਾਲ ਵਿਚ
ਕੀਤਾ। ਉਥੋਂ ਦੇ ਵਾਸੀਆਂ ਨੂੰ ਸ਼ਿਕਾਇਤ ਸੀ ਕਿ ਉਨ੍ਹਾਂ ਨੂੰ ਪੀਣ ਵਾਲੀ ਪਾਣੀ ਦੂਰੋਂ ਲਿਆਉਣਾ
ਪੈਂਦਾ ਹੈ। ਨੇੜੇ ਖੂਹ ਤਾਂ ਸਨ ਪਰ ਪਾਣੀ ਖਾਰਾ ਸੀ। ਗੁਰੂ ਜੀ ਨੇ ਉਨ੍ਹਾਂ ਦੀ ਸਮੱਸਿਆ ਹੱਲ
ਕੀਤੀ।ਮਿੱਠੇ ਪਾਣੀ ਵਾਲਾ ਖੂਹ ਗੁਰੂ ਕਾ ਖੂਹ, ਅੱਜ਼ ਵੀ ਸ਼ੀਤਲ ਜਲ ਦਿੰਦਾ
ਹੈ।
ਅਗਲੇ
ਪੜਾਅ ਖੀਵਾ ਤੇ ਭਿੱਖੀ ਦੇ ਪਿੰਡ ਬਣੇ। ਖਿਆਲੇ ਅਤੇ ਮੌੜ ਵਿਚ ਪਾਣੀ ਦੀ ਥੁੜ ਸੀ। ਉਥੇ ਗੁਰੂ ਜੀ
ਨੇ ਖੂਹ ਲਵਾਏ। ਇਸ ਤੋਂ ਅਗਾਂਹ ਗੁਰੂ ਜੀ ਸਾਬੋ ਕੀ ਤਲਵੰਡੀ ਜਾ ਟਿਕੇ। ਉਥੇ ਉਨ੍ਹਾਂ ਗੁਰੂਸਰ
ਸਰੋਵਰ ਦਾ ਟੱਕ ਲਾਇਆ ਅਤੇ ਕਾਰ ਕੱਢੀ।ਸੰਗਤਾਂ ਰਲਕੇ ਸੇਵਾ ਕੀਤੀ ਅਤੇ ਗੁਰੂ-ਸਰ ਦੀ ਰਚਨਾ ਹੋਈ।
ਤਲਵੰਡੀ
ਸਾਬੋ ਤੋਂ ਉਹ ਅਗਾਂਹ ਧਰਮਪੁਰੇ ਆਦਿ ਨਗਰੀਂ ਰੁਕੇ।ਸਭ ਥਾਈ ਉਨ੍ਹਾਂ ਲੋਕਾਂ ਦੇ ਦੁੱਖ ਵੰਡਾਏ,ਸਿੱਖੀ ਦਾ ਸੁਨੇਹਾ ਦਿਤਾ ਅਤੇ
ਲੋਕਾਂ ਕੋਲੋਂ ਸਤਿਕਾਰ ਲਿਆ।ਇਸ ਇਲਾਕੇ ਵਿਚ ਪਾਣੀ ਦੀ ਬਹੁਤ ਥੁੜ੍ਹ ਸੀ ਜਿਸ ਕਰਕੇ ਲੋਕਾਂ ਨੂੰ ਔਖ
ਹੁੰਦੀ ਸੀ। ਗੁਰੂ ਜੀ ਨੇ ਕਈ ਥਾਈਂ ਖੂਹ ਲਵਾਏ,ਤਲਾਬ ਪੁਟਵਾਏ। ਇੰਨ੍ਹਾਂ
ਸਰੱਬਤ ਦੇ ਭਲੇ ਵਾਲੇ ਕਾਰਜਾਂ ਵਿਚ ਗੁਰੂ ਜੀ ਦੇ ਨਾਲ ਗਏ ਸਿੱਖ,ਸਥਾਨਕ
ਲੋਕ ਮਿਲਕੇ ਕੰਮ ਕਰਦੇ ਸਨ। ਖਰਚਾ ਚੜਾਵੇ ਵਿਚੋਂ ਹੁੰਦਾ ਸੀ। ਇਸ ਲਈ ਸਾਰੇ ਇਲਾਕੇ ਵਿਚ ਗੁਰੂ ਜੀ
ਦੀ ਜੈ ਜੈ ਕਾਰ ਹੁੰਦੀ ਸੀ। ਧਮਧਾਨ ਪਿੰਡ ਵਿਚ ਉਨ੍ਹਾਂ ਧਰਮਸਾਲ ਬਨਵਾਉਣ ਦਾ ਹੁਕਮ ਦਿਤਾ। ਏਥੇ
ਭਾਈ ਰਾਮਦੇਵ ਉਤੇ ਬਖਸ਼ਿਸ਼ ਹੋਈ। ਉਸ ਦੀ ਸੇਵਾ ਤੋਂ ਪ੍ਰਸੰਨ ਹੋਕੇ ਉਸ ਦਾ ਨਾਂ ਭਾਈ ਮੀਹਾਂ (ਮੀਂਹ
ਪਾਉਣ ਵਾਲਾ) ਰਖਿਆ। ਨਗਾਰਾ,ਨਿਸ਼ਾਨ,ਪੁਸ਼ਾਕ
ਅਤੇ ਲੰਗਰ ਚਲਾਉਣ ਦੀ ਸਮਰਥਾ ਬਖਸ਼ ਕੇ ਗੁਰੂ ਜੀ ਨੇ ਉਸ ਨੂੰ ਇਲਾਕੇ ਦਾ ਮੁੱਖੀ ਪ੍ਰਚਾਰਕ ਥਾਪਿਆ।
ਧਮਧਾਨ
ਤੋਂ ਗੁਰੂ ਜੀ ਬਹਿਜਖ(ਟੇਕਪੁਰ),ਕੈਂਥਲ ਹੁੰਦੇ ਹੋਏ ਬਾਰਨੇ ਪਹੁੰਚੇ।ਉਥੇ ਲੋਕ ਤੰਮਾਕੂ ਬੀਜਦੇ ਅਤੇ ਪੀਂਦੇ ਸਨ। ਗੁਰੂ ਜੀ
ਉਨ੍ਹਾਂ ਨੂੰ ਤੰਮਾਕੂ ਬੀਜਣੋਂ ਅਤੇ ਪੀਣੋਂ ਹਟਾਇਆ।
ਇਸ
ਤਰ੍ਹਾਂ ਜਿਥੇ-ਜਿਥੇ ਵੀ ਗੁਰੂ ਤੇਗ ਬਹਾਦਰ ਜੀ ਦੇ ਮੁਬਾਰਕ ਚਰਨ ਪਏ,ਉਥੇ ਲੋਕਾਂ ਵਿਚ ਨਵੀਂ ਜਿੰਦ,ਰੂਹ,ਨਵਾਂ ਉਤਸ਼ਾਹ ਠਾਠਾਂ ਮਾਰਨ ਲਗਦਾ। ਉਨ੍ਹਾਂ ਦੇ ਮਨਾਂ ਵਿਚ
ਆਪ-ਹੁੱਦਰੀ ਹਕੂਮਤ ਦੇ ਅਤਿਆਚਾਰਾਂ ਵਿਰੁੱਧ ਰੋਸ ਉਪਜਦਾ। ਲੋਕ ਦੂਰੋਂ-ਦੂਰੋਂ ਗੁਰੂ ਦੇ ਦਰਸ਼ਨ ਕਰਨ,ਉਪਦੇਸ਼ ਸੁਨਣ ਜੁੱੜਦੇ। ਗੁਰੂ ਜੀ ਦੇ ਕੀਤੇ ਅਤੇ ਕਰਵਾਏ ਲੋਕ ਭਲਾਈ ਦੇ ਕੰਮ ਲੋਕਾਂ ਅੰਦਰ
ਗੁਰੂ ਜੀ ਲਈ ਸ਼ਰਧਾ,ਸਤਿਕਾਰ ਪੈਦਾ ਕਰਦੇ ਸਨ।ਇਸ ਸਦਕਾ ਇਲਾਕੇ ਵਿਚ
ਸਿੱਖੀ ਦਾ ਬਹੁਤ ਪ੍ਰਚਾਰ ਹੋਇਆ।
''ਗੁਰੂ ਤੇਗ ਬਹਾਦਰ ਜੀ ਮਹਲ ਨਾਵੇਂ ਕੋ ਨਗਰ ਧਮਧਾਣ ਪਰਗਣਾਂ ਬਾਂਗਰ ਸੇ ਆਲਮ ਖਾਨ ਰੁਹੇਲਾ,
ਸ਼ਾਹੀ ਹੁਕਮ ਗੈਲ ਦਿੱਲੀ ਕੈਣ ਕਰ ਆਇਆ,ਸਾਲ ਸਤ੍ਰਹ ਸੈ
ਬਾਈਸ ਕਤਕ ਸੁਦੀ ਗਿਆਰਸ ਕੋ ਬੁਧਵਾਰ ਕੇ ਦਿਹੁੰ,ਸਾਥ ਮਤੀ ਦਾਸ,ਸਤੀ ਦਾਸ,ਬੇਟੇ ਹੀਰਾਮਲ ਛਿੱਬਰ ਕੇ,ਗੁਆਲ
ਦਾਸ ਬੇਟਾ ਮਲ ਛਿਬਰਕਾ,ਗੁਰਦਾਸ ਬੇਟਾਕੀਰਤ ਜਲਹਾਨੇ ਬਲਉਂਤ ਹੋਰ ਸਿੱਖ
ਫਕੀਰ ਆਏ।"
ਗੁਰੂ
ਜੀ ਨੂੰ ਸਿੱਖਾਂ ਸਮੇਤ ਗ੍ਰਿਫ਼ਤਾਰ ਕਰਕੇ ਔਰੰਗਜ਼ੇਬ ਸਾਹਮਣੇ ਪੇਸ਼ ਕੀਤਾ ਗਿਆ। ਇਕ ਤਾਂ ਸਜ਼ਾ ਲਾਇਕ
ਕੁਝ ਸੀ ਨਹੀਂ ਅਤੇ ਦੂਸਰੇ ਮਹਾਰਾਜਾ ਜੈਪੁਰ ਗੁਰੂ ਜੀ ਦੀ ਹਮਾਇਤ ਉਤੇ ਉਤਰ ਆਇਆ। ਉਸ ਔਰੰਗਜ਼ੇਬ
ਨੂੰ ਕਿਹਾ ਕਿ ਇਹੋ ਜਿਹੀਆਂ ਹਸਤੀਆਂ ਤਾਜ ਤਖ਼ਤ ਦੀਆਂ ਲਾਲਚੀ ਨਹੀਂ ਹੰਦੀਆਂ। ਉਸ ਨੇ ਬਾਦਸ਼ਾਹ ਨੂੰ
ਭਰੋਸਾ ਦਿਵਾਇਆ ਕਿ ਉਹ ਛੇਤੀ ਹੀ ਬੰਗਾਲ ਵਲ ਮਾਰਚ ਕਰਨ ਵਾਲਾ ਹੈ। ਗੁਰੂ ਜੀ ਨੂੰ ਉਹ ਆਪਣੇ ਨਾਲ
ਹੀ ਤੀਰਥਾਂ ਵਲ ਲੈ ਜਾਇਗਾ।ਇਸ ਤਰ੍ਹਾਂ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਔਰੰਗਜ਼ੇਬ ਦੀ ਕੈਦ ਵਿਚੋਂ
ਨਿਕਲੇ।
ਸੱਚ ਦਾ ਮਾਰਤੰਡ .
ਸੇਵਾ ਪੰਥੀ
ਘਨੱਈਆ ਸਾਹਿਬ ਦੇ ਜਾਨਸ਼ੀਨ ਭਾਈ ਸੇਵਾ ਰਾਮ ਜੀ ਹੋਏ ਹਨ। ਇਥੋਂ ਇਹਨਾਂ ਸੰਪਦਾਇ ਦੇ ਮੋਢੀ
ਨਾਵਾਂ ਦਾ ਵੇਰਵਾ ਇਤਿਹਾਸ ਵਿੱਚੋਂ ਇਵੇਂ ਮਿਲਦਾ ਹੈ......
ਬਾਈ ਅੱਡਣ ਸ਼ਾਹ ਜੀ, ਭਾਈ ਭੱਲਾ ਰਾਮ ਜੀ, ਭਾਈ ਜਗਤਾ ਰਾਮ, ਭਾਈ ਹਜਾਰੀ ਰਾਮ, ਭਾਈ ਸਹਾਈ
ਰਾਮ, ਭਾਈ ਰਲਿਆ ਰਾਮ, ਭਾਈ ਲਖਮੀ ਦਾਸ ਆਦਿ। ਇਹਨਾਂ ਮਹਾਂਪੁਰਸ਼ਾਂ ਵਿੱਚ ਟੋਪੀ ਪਾਉਣ ਦਾ ਰਿਵਾਜ
ਸੀ। ਭਾਈ ਜਗਤਾ ਸਾਹਿਬ ਜੀ ਦੀ ਟੋਪੀ ਪਾਉਣ ਦਾ ਰਿਵਾਜ਼ ਸੀ। ਭਾਈ ਜਗਤਾ ਸਾਹਿਬ ਜੀ ਦੀ ਟੋਪੀ ਵਾਲੀ
ਤਸਵੀਰ ਇਹਨਾਂ ਦੇ ਰਸਾਲੇ ਸੇਵਾ ਜੋਤੀ ਵਿੱਚ ਛਪੀ ਮਿਲਦੀ ਹੈ। ਉਪਰੋਕਤ ਸੂਚੀ ਤੋਂ ਇਲਾਵਾ ਵੀ
ਸੇਵਾਪੰਥੀ ਸੰਪ੍ਰਦਾਇ ਦੇ ਕਈ ਟਿਕਾਣੇ ਹਨ।
. ਜੀਵਨੀ .
ਇੰਝ
ਬਣਿਐ ਅਦਾਕਾਰ ਓਮ ਪੁਰੀ
ਪਹਿਲਾਂ
ਪਾਲੀਵੁੱਡ, ਫਿਰ
ਬਾਲੀਵੁੱਡ ਅਤੇ ਬਾਅਦ 'ਚ ਹਾਲੀਵੁੱਡ 'ਚ ਆਪਣੀ ਦਮਦਾਰ ਅਤੇ ਸੰਵੇਦਨਾਸ਼ੀਲ ਅਦਾਕਾਰੀ ਨਾਲ
ਵੱਖਰਾ ਹਸਤਾਖਰ ਬਣ ਚੁੱਕੇ ਓਮ ਪੁਰੀ ਦੀ ਜ਼ਿੰਦਗੀ ਦਾ ਸਫਰ 'ਵੈਤਰਨੀ' ਪਾਰ ਕਰਨ ਤੋਂ ਘੱਟ ਨਹੀਂ ਰਿਹਾ। ਜਿਸ ਦੇ ਚਲਦਿਆਂ ਉਸ
ਨੇ ਲੱਖਾਂ ਝੱਖੜ ਝੁੱਲਣ ਦੇ ਬਾਵਜੂਦ ਉਸਨੇ ਆਪਣੀ ਮੰਜ਼ਿਲ ਸਰ ਕੀਤੀ।
ਅਭਿਨੈ
ਦੀ ਪਹਿਲੀ ਪੌੜੀ ਮੰਨੇ ਜਾਂਦੇ ਰੰਗਮੰਚ ਤੋਂ ਆਪਣੀ ਅਦਾਕਾਰੀ ਦੇ ਸਫਰ ਦੀ ਸ਼ੁਰੁਆਤ ਕਰਨ ਵਾਲੇ ਇਸ
ਅਦਾਕਾਰ ਨੇ ਜਿਸ ਦੌਰ 'ਚ ਫਿਲਮੀ ਖੇਤਰ 'ਚ ਪ੍ਰਵੇਸ਼ ਕੀਤਾ ਉਸ ਸਮੇਂ ਇਸ ਖੇਤਰ 'ਚ ਸਿਰਫ ਹੁਸੀਨ ਚਿਹਰੇ ਹੀ ਵਿਕਦੇ ਸਨ। ਪ੍ਰੰਤੂ ਓਮ
ਪੁਰੀ ਨੇ ਆਪਣੇ ਦਮਦਾਰ ਅਭਿਨੈ ਸਦਕਾ ਇਹ ਅਹਿਸਾਸ ਬਾਖੂਬੀ ਕਰਵਾਇਆ ਕਿ ਸਭ ਤੋਂ ਪਹਿਲਾਂ ਕਿਸੇ
ਕਲਾਕਾਰ ਕੋਲ ਪ੍ਰਭਾਵਸ਼ਾਲੀ ਅਦਾਕਾਰੀ ਹੋਣੀ ਚਾਹੀਦੀ ਹੈ। ਨਿਰੇ ਹੁਸੀਨ ਚਿਹਰੇ ਵੀ ਖੋਟੇ ਸਿੱਕੇ
ਵਾਂਗ ਹੁੰਦੇ ਹਨ।
ਆਪਣੀ
ਜ਼ਿੰਦਗੀ ਚ ਕਈ ਤਰ੍ਹਾਂ ਦੇ ਵਿਵਾਦਾਂ ਨੂੰ ਲੈ ਕੇ ਚਰਚਾ 'ਚ ਰਹਿਣ ਵਾਲੇ ਓਮ ਪੁਰੀ ਹੁਣ ਜ਼ਿੰਦਗੀ ਦੇ ਉਸ ਪੜਾਅ
ਤੇ ਹਨ ਜਿਸ ਤੱਕ ਪਹੁੱਚਣ ਲਈ ਕਰੋੜਾਂ ਲੋਕ ਆਪਣੀ ਜ਼ਿੰਦਗੀ ਨਾਲ ਸੰਘਰਸ਼ ਕਰਦਿਆਂ ਹੀ ਫੌਤ ਹੋ ਜਾਂਦੇ
ਹਨ। ੨੫੦ ਦੇ ਕਰੀਬ ਫਿਲਮਾਂ (ਹਿੰਦੀ, ਅੰਗਰੇਜ਼ੀ ਤੇ ਕੁਝ ਪੰਜਾਬੀ ਦੀਆਂ) ਤੇ ੧੦੦ ਦੇ ਕਰੀਬ
ਸੀਰੀਅਲਾਂ 'ਚ
ਵੱਖ ਵੱਖ ਤਰ੍ਹਾਂ ਦੀਆਂ ਦਿਲਚਸਪ ਭੂਮਿਕਾਵਾਂ ਨਿਭਾ ਚੁੱਕੇ ਇਸ ਕਲਾਕਾਰ ਨੇ ਜ਼ਿੰਦਗੀ ਵਿੱਚ ਜਿਸ
ਤਰ੍ਹਾਂ ਦੇ ਉਤਾਰ-ਚੜ੍ਹਾਅ ਦੇਖੇ ਅਤੇ ਜਿਨ੍ਹਾਂ ਹਾਲਾਤਾਂ ਦਾ ਉਸ ਨੇ ਸਾਹਮਣਾ ਕੀਤਾ, ਉਸ ਤੋਂ ਉਸ ਦੀ ਜ਼ਿੰਦਗੀ ਕਿਸੇ ਫਿਲਮੀ ਕਹਾਣੀ ਤੋਂ
ਘੱਟ ਨਹੀਂ ਜਾਪਦੀ।
ਮਾਨਸਿਕ
ਤੌਰ ਤੇ ਉਲਝੇ ਪੁਰੀ ਦੀ ਪਰੇਸ਼ਾਨੀ ਦੀਆਂ ਤੰਦਾਂ ਨੂੰ ਇੰਸਟੀਚਿਊਟ ਦਾ ਨਿਰਦੇਸ਼ਕ ਗਰੀਸ਼ ਕਰਨਾਡ
ਸੁਲਝਾਉਂਦਾ ਹੈ। ੧੯੭੬ 'ਚ ਇੱਥੋਂ ਡਿਪਲੋਮਾ ਕਰਨ ਤੋਂ ਬਾਅਦ ਉਹ ਆਪਣੇ
ਸੁਪਨਿਆਂ ਦੀ ਧਰਤੀ ਮੁੰਬਈ ਆ ਪਹੁੰਚਦਾ ਹੈ।ਕੁੱਝ ਸਮਾਂ ਰੰਗਮੰਚ ਕਰਨ ਤੋਂ ਬਾਅਦ ਉਹ ਫਿਲਮਾਂ ਵੱਲ
ਰੁੱਖ ਕਰਦਾ ਹੈ।
----------------------------------------------------------------------------------------------------- ਬਿਜਲੀ ਦੀ ਸਪਲਾਈ ਫੇਲ ਹੋਣ ਕਾਰਣ ਅੱਜ ਕੇਵਲ ਪੰਜਾਬੀ ਅੰਕ ਹੀ ਪ੍ਰਕਾਸ਼ਿਤ ਕੀਤਾ ਜਾ ਸਕਿਆ ਹੈ।
-----------------------------------------------------------------------------------------------------
0 Response to "ਪੰਜਾਬੀ--ਸਾਲ10,ਅੰਕ56,8ਨਵੰਬਰ2019"
Post a Comment