ਖਬਰਾਂ--ਸਾਲ-10,ਅੰਕ:17,17ਅਕਤੂਬਰ2019
4:49 PM
JANCHETNA
,
ਸਾਲ-10,ਅੰਕ:17,17ਅਕਤੂਬਰ2019/
ਕੱਤਕ(ਵਦੀ)4(ਨਾ.ਸ਼ਾ)551.
ਮਾਮਲਾ
ਇੰਡਿਆ ਗੇਟ ਸਮਾਗਮ ਵਿੱਚ ਮਰਿਆਦਾ ਦੀਆਂ ਧੱਜੀਆਂ ਉੱਡਣ ਦਾ
ਸ਼੍ਰੋਮਣੀ, ਦਿੱਲੀ
ਅਤੇ ਪਟਨਾ ਕਮੇਟੀ ਦੇ ਪ੍ਰਧਾਨਾਂ ਨੂੰ
ਸ਼੍ਰੀ
ਅਕਾਲ ਤਖ਼ਤ ਸਾਹਿਬ ਉੱਤੇ ਤਲਬ ਕਰਨ ਦੀ ਮੰਗ
ਮਰਿਆਦਾ
ਤੋਂ ਅਨਜਾਨ ਲੋਕ ਪੰਥ ਚਲਾ ਰਹੇ ਹਨ : ਜੀਕੇ
ਦਿੱਲੀ
ਕਮੇਟੀ ਦੇ ਸਾਬਕਾ ਪ੍ਰਧਾਨ ਜੀਕੇ ਨੇ ਕਿਹਾ ਕਿ ਪੰਥ ਦੀ ਪ੍ਰਤਿਨਿੱਧੀ 3
ਮੁੱਖ ਸੰਸਥਾਵਾਂ ਦੇ ਮੁਖੀਆ ਨੂੰ ਇਹ ਪਤਾ ਨਹੀਂ ਹੈ ਕਿ ਕੀਰਤਨ ਸੁਣਨ ਦੀ ਮਰਿਆਦਾ ਕੀ ਹੈ। ਕੁਰਸੀ
ਉੱਤੇ ਬੈਠਕੇ ਬੂਟ ਪਾਕੇ ਕੀਰਤਨ ਸੁਣਨਾ ਇਹਨਾਂ ਦੀ ਨਵਾਬੀ ਸੋਚ ਅਤੇ ਧਾਰਮਿਕ ਪਰੰਪਰਾਵਾਂ ਦੇ ਬਾਰੇ
ਅਨਪੜਤਾ ਦੀ ਵੀ ਪੋਲ ਖੋਲ੍ਹਦਾ ਹੈ। ਨਾਲ ਹੀ ਦਿੱਲੀ ਕਮੇਟੀ ਦੀ ਧਰਮ ਪ੍ਰਚਾਰ ਮੁਹਿੰਮ ਦੇ ਤਹਿਤ
ਪ੍ਰੋਗਰਾਮਾਂ ਦੀ ਰੁਪਰੇਖਾ ਤੈਅ ਕਰਣ ਵਾਲੀ ਟੀਮ ਦੀ ਯੋਗਤਾ ਵੀ ਸਵਾਲਾਂ ਦੇ ਘੇਰੇ ਵਿੱਚ ਆ ਗਈ ਹੈ।
ਜੀਕੇ ਨੇ ਮਰਿਆਦਾ ਹਨਨ ਦੇ ਸਾਰੇ ਦੋਸ਼ੀਆਂ ਨੂੰ ਤੁਰੰਤ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਉੱਤੇ ਤਲਬ ਕਰਣ ਦੀ
ਜੱਥੇਦਾਰ ਨੂੰ ਬੇਨਤੀ ਕੀਤੀ।
ਜੀਕੇ
ਨੇ ਕਿਹਾ ਕਿ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਹੋ
ਕੇ ਦਿੱਲੀ ਕਮੇਟੀ ਵਲੋਂ ਹੁਣ ਤੱਕ ਕਰਵਾਏ ਗਏ ਸਾਰੇ ਪ੍ਰੋਗਰਾਮਾਂ ਵਿੱਚ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ
ਤੋਂ ਦੂਰੀ ਬਣਾ ਕੇ ਕਮੇਟੀ ਨੇ ਆਪਣੀ ਲਿਆਕਤ, ਟੀਚੇ ਅਤੇ ਨਾਕਾਮੀ ਦੀ ਪੋਲ ਖੋਲ
ਦਿੱਤੀ ਹੈ। ਇਸ ਲਈ ਮੈਨੂੰ ਲੱਗਦਾ ਹੈ ਕਿ ਸ਼ਬਦ ਗੁਰੂ ਤੋਂ ਦੂਰੀ ਬਣਾਉਣਾ ਕਮੇਟੀ ਨੂੰ ਭਾਰੀ ਪਿਆ
ਅਤੇ 13 ਅਕਤੂਬਰ ਨੂੰ ਨਨਕਾਣਾ ਸਾਹਿਬ ਜਾਣ ਵਾਲੇ ਪ੍ਰਸਤਾਵਿਤ ਨਗਰ ਕੀਰਤਨ ਦੀ
ਮਨਜ਼ੂਰੀ,
ਗੁਰੂ ਮਰਜੀ
ਨਾਲ ਹੀ ਖਟਾਈ ਵਿੱਚ ਪਈ ਸੀ, ਜਦੋਂ ਕਿ ਨਗਰ ਕੀਰਤਨ ਵਿੱਚ ਗੁਰੂ
ਸਾਹਿਬ ਦਾ ਪ੍ਰਕਾਸ਼ ਹੋਣਾ ਸੀ।
ਚੇਤੇ
ਰਹੇ ਕਿ ਇਸ ਤੋਂ ਪਹਿਲਾਂ ਗਿਆਨੀ ਹਰਪ੍ਰੀਤ ਸਿੰਘ ਜੱਥੇਦਾਰ ਸ਼੍ਰੀ ਅਕਾਲ ਤਖ਼ਤੇ ਸਾਹਿਬ ਨੇ ਕੱਲ
ਪਤਰਕਾਰਾਂ ਦੇ ਸਾਹਮਣੇ ਮਰਿਆਦਾ ਟੁੱਟਣ ਦੀ ਗੱਲ
ਸਵੀਕਾਰ ਕਰਦੇ ਹੋਏ ਇਸ ਮਾਮਲੇ ਉੱਤੇ ਪੰਜ ਸਿੰਘ
ਸਾਹਿਬਾਨਾਂ ਦੀ ਅਗਲੀ ਮੀਟਿੰਗ ਵਿੱਚ ਵਿਚਾਰ ਕਰਣ ਦੀ ਗੱਲ ਕਹੀ ਸੀ। ਜੱਥੇਦਾਰ ਨੇ ਕਿਹਾ
ਸੀ ਕਿ ਬੂਟ ਪਾਕੇ ਕੀਰਤਨ ਸੁਣਨਾ ਮਰਿਆਦਾ ਦੇ
ਖਿਲਾਫ ਹੈ। ਜ਼ਰੂਰਤ ਪੈਣ ਉੱਤੇ ਸਾਰੇ ਦੋਸ਼ੀਆਂ ਨੂੰ ਤਲਬ ਕੀਤਾ ਜਾ ਸਕਦਾ ਹੈ, ਚਾਹੇ
ਉਹ ਕਿੰਨੇ ਵੀ ਵੱਡੇ ਅਹੁਦੇ ਉੱਤੇ ਕਿਉਂ ਨਾ ਹੋਣ।
ਜਾਗੋ ਪਾਰਟੀ ਨੇ ਜਥੇਬੰਦਕ ਢਾਂਚੇ ਲਈ ਦਿੱਲੀ ਨੂੰ 6 ਜਿਲ੍ਹੇ
ਵਿੱਚ ਵੰਡਿਆ
ਮਾਤਾ ਸੁੰਦਰੀ ਜੀ ਦੇ ਨਾਂਅ ਉੱਤੇ ਹੋਵੇਗਾ ਕੇਂਦਰੀ ਦਿੱਲੀ
ਜਿਲਾ : ਜੀਕੇ
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪਾਰਟੀ ਦੇ ਅੰਤਰਰਾਸ਼ਟਰੀ ਪ੍ਰਧਾਨ ਮਨਜੀਤ ਸਿੰਘ ਜੀਕੇ ਨੇ
ਦੱਸਿਆ ਕਿ ਪੁਰੀ ਦਿੱਲੀ ਨੂੰ 6 ਜਿਲ੍ਹੇ ਵਿੱਚ ਵੰਡਿਆ ਗਿਆ ਹੈ। ਜਿਸ ਵਿੱਚ ਕੇਂਦਰੀ
ਜਿਲ੍ਹੇ ਵਿੱਚ 5
ਵਾਰਡ ਹੋਣਗੇ ਅਤੇ ਜਿਲ੍ਹੇ ਦਾ ਨਾਮ ਮਾਤਾ ਸੁੰਦਰੀ ਜੀ ਦੇ ਨਾਂਅ ਉੱਤੇ
ਹੋਵੇਗਾ। ਇਸੇ ਤਰ੍ਹਾਂ ਪੂਰਬੀ ਜਿਲਾ 6 ਵਾਰਡ ਦੇ ਨਾਲ ਬਾਬਾ ਬਘੇਲ ਸਿੰਘ, ਪੱਛਮੀ-1
ਜਿਲ੍ਹਾ 9 ਵਾਰਡ ਦੇ ਨਾਲ ਬਾਬਾ ਜੱਸਾ ਸਿੰਘ ਆਹਲੂਵਾਲਿਆ,
ਪੱਛਮੀ-2 ਜਿਲ੍ਹਾ 10 ਵਾਰਡ ਦੇ ਨਾਲ ਬਾਬਾ
ਜੱਸਾ ਸਿੰਘ
ਰਾਮਗੜਿਆ,ਦੱਖਣੀ ਜਿਲ੍ਹਾ 7 ਵਾਰਡ ਦੇ ਨਾਲ ਜੱਥੇਦਾਰ
ਮਹਾਂ ਸਿੰਘ ਸ਼ੁਕਰਚਕਿਆ ਅਤੇ ਉੱਤਰੀ ਜਿਲ੍ਹਾ 9 ਵਾਰਡ ਦੇ ਨਾਲ ਜੱਥੇਦਾਰ ਤਾਰਾ ਸਿੰਘ ਘੇਬਾ ਦੇ ਨਾਂਅ
ਤੋਂ ਜਾਣਿਆ ਜਾਵੇਗਾ।
ਵਾਰਡਾਂ ਦੇ ਹਿਸਾਬ ਨਾਲ ਜਿਲ੍ਹੇ ਦਾ ਵੇਰਵਾ ਦਿੰਦੇ ਹੋਏ ਜੀਕੇ ਨੇ ਦੱਸਿਆ ਕਿ ਮਾਤਾ ਸੁੰਦਰੀ
ਜਿਲ੍ਹੇ ਵਿੱਚ ਕਨਾਟ ਪਲੇਸ,ਦੇਵ ਨਗਰ, ਰਾਜਿੰਦਰ ਨਗਰ,ਤਰਿ ਨਗਰ ਅਤੇ ਰਮੇਸ਼ ਨਗਰ ਵਾਰਡ ਹੋਣਗੇ। ਜਦੋਂ ਕਿ ਬਾਬਾ ਬਘੇਲ ਸਿੰਘ ਜਿਲ੍ਹੇ ਵਿੱਚ ਦਿਲਸ਼ਾਦ
ਗਾਰਡਨ, ਵਿਵੇਕ ਵਿਹਾਰ, ਖੁਰੇਜੀ ਖਾਸ,ਨਵੀਨ ਸ਼ਾਹਦਰਾ, ਗੀਤਾ ਕਲੋਨੀ ਅਤੇ ਪ੍ਰੀਤ ਵਿਹਾਰ ਵਾਰਡ ਹੋਣਗੇ। ਇਸੇ ਤਰ੍ਹਾਂ ਬਾਬਾ ਜੱਸਾ ਸਿੰਘ ਆਹਲੂਵਾਲਿਆ
ਜਿਲ੍ਹੇ ਵਿੱਚ ਪੰਜਾਬੀ ਬਾਗ,ਟੈਗੋਰ ਗਾਰਡਨ, ਰਘੁਬੀਰ ਨਗਰ,ਰਾਜੋਰੀ ਗਾਰਡਨ, ਹਰੀਨਗਰ,ਫਤੇਹ ਨਗਰ,ਸ਼ਿਵ ਨਗਰ, ਜਨਕਪੁਰੀ ਅਤੇ ਉੱਤਮ ਨਗਰ ਵਾਰਡ ਹੋਣਗੇ। ਬਾਬਾ ਜੱਸਾ ਸਿੰਘ ਰਾਮਗੜਿਆ ਜਿਲ੍ਹੇ ਵਿੱਚ ਚਾਂਦ ਨਗਰ, ਖਿਆਲਾ,ਵਿਸ਼ਨੂੰ ਗਾਰਡਨ,ਰਵੀ ਨਗਰ, ਤਿਲਕ ਨਗਰ,ਤਿਲਕ ਵਿਹਾਰ, ਗੁਰੂ ਨਾਨਕ ਨਗਰ, ਸੰਤਗੜ, ਵਿਕਾਸਪੁਰੀ ਅਤੇ ਕ੍ਰਿਸ਼ਨਾ ਪਾਰਕ ਵਾਰਡ ਸ਼ਾਮਿਲ ਹਨ। ਨਾਲ ਹੀ ਜੱਥੇਦਾਰ ਮਹਾਂ ਸਿੰਘ
ਸ਼ੁਕਰਚਕਿਆ ਜਿਲ੍ਹੇ ਵਿੱਚ ਗ੍ਰੇਟਰ ਕੈਲਾਸ਼,ਸਰਿਤਾ ਵਿਹਾਰ, ਮਾਲਵੀਯ ਨਗਰ,ਜੰਗਪੁਰਾ,ਲਾਜਪਤ ਨਗਰ,
ਸਫਦਰਜੰਗ ਏਂਕਲੇਵ ਤੇ ਕਾਲਕਾ ਜੀ ਵਾਰਡ ਅਤੇ ਜੱਥੇਦਾਰ ਤਾਰਾ ਸਿੰਘ
ਘੇਬਾ ਜਿਲ੍ਹੇ ਵਿੱਚ ਸਰੂਪ ਨਗਰ,ਮਾਡਲ ਟਾਉਨ, ਸਿਵਿਲ ਲਾਇਨ,ਸ਼ਕਤੀ ਨਗਰ,ਪ੍ਰੀਤਮ ਪੁਰਾ, ਰੋਹਿਣੀ,ਸ਼ਕੂਰ ਬਸਤੀ,ਗੁਰੂ ਹਰਿਕ੍ਰਿਸ਼ਨ ਨਗਰ
ਅਤੇ ਚੰਦਰ ਵਿਹਾਰ ਵਾਰਡ ਸ਼ਾਮਿਲ ਹੋਣਗੇ। ਜੀਕੇ ਨੇ ਦੱਸਿਆ ਕਿ ਸੰਗਠਨ ਦਾ ਵਿਸਥਾਰ ਛੇਤੀ ਕੀਤਾ
ਜਾਵੇਗਾ।
ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਤਾੜਨਾ
ਸਰਨਾ ਦੀ ਅਗਵਾਈ ਵਾਲਾ ਜੱਥਾ
ਹੀ ਜਾਵੇਗਾ ਪਾਕਿ- ਸਿੰਘ ਸਾਹਿਬ
ਨਗਰ ਕੀਰਤਨ ਮਾਮਲੇ ਵਿੱਚ ਸੰਗਤਾਂ ਦੇ ਦੋਸ਼ੀ
ਦਿੱਲੀ ਕਮੇਟੀ ਪ੍ਰਬੰਧਕ ਪਛਤਾਵੇ ਵਜੋਂ ਆਪਣੇ ਅਹੁਦੇ ਛੱਡਣ
ਬਲ-ਛਲ ਨਾਲ ਸੱਤਾ ਵਿੱਚ ਆਏ ਸਿਰਸਾ ਨੇ ਸੰਗਤਾਂ ਨਾਲ
ਛਲ ਕਰਣ ਵਿੱਚ ਵੀ ਸ਼ਰਮ ਮਹਿਸੂਸ ਨਹੀਂ ਕੀਤੀ : ਜੀਕੇ
ਦਿੱਲੀ ਕਮੇਟੀ ਦੇ ਸਾਬਕਾ ਪ੍ਰਧਾਨ ਜੀਕੇ ਨੇ ਕਿਹਾ ਕਿ ਦਿੱਲੀ ਕਮੇਟੀ ਦੇ ਇਤਿਹਾਸ ਵਿੱਚ ਇਹ
ਪਹਿਲੀ ਵਾਰ ਹੋਇਆ ਹੈ ਕਿ ਸੰਗਤਾਂ ਵਲੋਂ ਸੋਨੇ ਦੀ ਪਾਲਕੀ ਸਾਹਿਬ ਕਰਤਾਰਪੁਰ ਵਿੱਚ ਸਥਾਪਿਤ
ਕਰਵਾਉਣ ਅਤੇ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਦੀ ਸੋਨੇ ਦੀ ਜਿਲਦ, ਚਵਰ ਅਤੇ ਛਤਰ ਦੇ ਨਾਂਅ ਉੱਤੇ ਗਹਿਣੇ ਅਤੇ ਨਗਦੀ ਸੰਗਤਾਂ ਤੋਂ ਬਟੋਰਨ ਦੇ ਬਾਅਦ ਹੁਣ
ਪ੍ਰਬੰਧਕਾਂ ਦੇ ਕੋਲ ਇਹਨੂੰ ਸੰਗਤਾਂ ਨੂੰ ਵਾਪਸ ਦੇਣ ਦਾ ਕੋਈ ਢੰਗ ਵੀ ਨਹੀਂ ਹੈਂ। ਇਹਨਾਂ ਦੀ
ਨਾਲਾਇਕੀ ਦੇ ਕਾਰਨ ਨਾ ਸੰਗਤਾਂ ਨੂੰ ਵੀਜਾ ਮਿਲਿਆ, ਨਾ ਨਗਦੀ ਅਤੇ ਸੋਨਾ। ਇਸ ਲਈ ਬਲ ਅਤੇ ਛਲ ਨਾਲ ਸੱਤਾ
ਵਿੱਚ ਆਈ ਟੀਮ ਸਿਰਸਾ ਨੂੰ ਤੁਰੰਤ ਇਸ ਗਲਤੀ ਲਈ ਗੁਰੂ ਸਾਹਿਬ ਦੇ ਸਾਹਮਣੇ ਪਛਤਾਵੇ ਵਜੋਂ ਅਰਦਾਸ
ਕਰਕੇ ਆਪਣੇ ਅਹੁਦਿਆਂ 'ਤੋਂ ਅਸਤੀਫਾ ਦੇਣਾ ਚਾਹੀਦਾ ਹੈ। ਜੀਕੇ ਨੇ ਕਿਹਾ ਕਿ ਸ਼ੁਰੂ ਤੋਂ ਕੌਮ ਦੀ ਭਾਵਨਾ ਸੀ ਕਿ ਇੱਕ
ਨਗਰ ਕੀਰਤਨ ਦਿੱਲੀ ਤੋਂ ਨਨਕਾਣਾ ਸਾਹਿਬ ਤੱਕ ਜਾਣਾ ਚਾਹੀਦਾ ਹੈ, ਉਹ ਆਪਣੇ ਆਪ ਹੀ ਗੁਰੂ ਨੇ ਮਨਜ਼ੂਰ ਕਰ ਲਈ ਹੈ। ਜੱਥੇਦਾਰ ਜੀ ਵਲੋਂ ਕੌਮੀ ਭਾਵਨਾਵਾਂ ਦਾ
ਸਨਮਾਨ ਕਰਦੇ ਹੋਏ ਇੱਕ ਨਗਰ ਕੀਰਤਨ ਦੀ ਗੱਲ ਕਰਣਾ ਸਵਾਗਤਯੋਗ ਕਦਮ ਹੈ। ਪਰ ਦਿੱਲੀ ਦੇ ਇਤਿਹਾਸਿਕ
ਗੁਰਦਵਾਰਿਆਂ ਵਿੱਚ ਸੋਨੇ ਦੀ ਸੇਵਾ ਲਈ ਕਈ ਗੋਲਕਾਂ ਰੱਖਣ ਵਾਲੇ ਪ੍ਰਬੰਧਕਾਂ ਨੂੰ ਪੰਥਕ ਰਿਵਾਇਤਾ
ਅਨੁਸਾਰ ਦੰਡਿਤ ਕਰਣ ਦਾ ਤਰੀਕਾ ਵੀ ਜੱਥੇਦਾਰ ਜੀ ਨੂੰ ਕੌਮ ਦੇ ਸਾਹਮਣੇ ਰੱਖਣਾ ਚਾਹੀਦਾ ਹੈ।
ਸ੍ਰੋਮਣੀ ਅਤੇ ਦਿੱਲੀ ਕਮੇਟੀ ਨੇ ਗੁਰਸਥਾਨ ਨੂੰ ਢਾਹੁਣ
ਨੂੰ ਕਿਵੇਂ ਪ੍ਰਵਾਨਗੀ ਦਿੱਤੀ?
ਉੜੀਸਾ ਦੇ ਮੰਗੂ ਅਤੇ ਪੰਜਾਬੀ ਮਠ ਨੂੰ ਤੋੜਨ ਲਈ ਸਹਿਮਤੀ
ਦੇਣ ਦਾ ਮਾਮਲਾ
ਇਤਿਹਾਸ ਨਾਲ ਨਾ ਖੇਡੇ ਸ਼੍ਰੋਮਣੀ ਕਮੇਟੀ: ਜੀਕੇ
ਜੱਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਉਨਾਂ ਦੀ ਭਾਲ
ਕਰਨੀ ਚਾਹੀਦੀ ਹੈ,
ਜਿਨ੍ਹਾਂ ਨੇ ਉਪਰੋਕਤ ਮੱਠਾਂ ਨੂੰ ਢਾਹੁਣ ਦੀ ਪ੍ਰਵਾਨਗੀ
ਦਿੱਤੀ
ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਜੀਕੇ ਨੇ ਕਿਹਾ ਕਿ ਗੁਰੂ
ਸਾਹਿਬ ਦੇ ਆਰਤੀ ਉਚਾਰਨ ਦੀ ਥਾਂ ਬਾਰੇ ਦੁਬਿਧਾ ਨੂੰ ਦੂਰ ਕਰਨਾ ਵੀ ਸ਼੍ਰੋਮਣੀ ਕਮੇਟੀ ਦੀ
ਜ਼ਿੰਮੇਵਾਰੀ ਹੈ। ਕਿਉਂਕਿ ਸ਼੍ਰੋਮਣੀ ਕਮੇਟੀ ਦੁਆਰਾ ਛਾਪੀਆਂ ਗਈਆਂ ਕਿਤਾਬਾਂ ਆਪਣੇ ਆਪ ਹੀ ਸੰਕੇਤ
ਕਰਦੀਆਂ ਹਨ ਕਿ ਗੁਰੂ ਸਾਹਿਬ ਮੰਗੂ ਮਠ ਦੀ ਜਗ੍ਹਾ ਆਰਤੀ ਦਾ ਉਚਾਰਣ ਕੀਤਾ ਸਨ। ਪਰ ਹਾਲ ਹੀ ਵਿੱਚ
ਪੁਰੀ ਗਏ ਸ੍ਰੋਮਣੀ ਕਮੇਟੀ ਦੇ ਵਫਦ ਨੇ ਦਾਅਵਾ ਕੀਤਾ ਹੈਂ ਕਿ ਮੰਗੂ ਮੱਠ ਦੀ ਥਾਂ ਸ੍ਰੀ ਗੁਰੂ
ਨਾਨਕ ਦੇਵ ਜੀ ਨਹੀਂ ਸਗੋਂ ਉਨ੍ਹਾਂ ਦੇ ਸਪੁੱਤਰ ਬਾਬਾ ਸ਼੍ਰੀ ਚੰਦ ਜੀ ਆਏ ਸਨ। ਗੁਰੂ ਸਾਹਿਬ ਨੇ
ਗੁਰਦੁਆਰਾ ਬਾਉਲੀ ਸਾਹਿਬ ਦੇ ਅਸਥਾਨ 'ਤੇ ਆਰਤੀ ਦਾ ਉਚਾਰਣ ਕੀਤਾ ਸੀ। ਜੀਕੇ ਨੇ ਕਿਹਾ ਕਿ ਜਦੋਂ ਸੁਪਰੀਮ ਕੋਰਟ ਨੇ ਉੜੀਸਾ ਸਰਕਾਰ ਨੂੰ ਸਿੱਖਾਂ ਦੀਆਂ ਸਬੰਧਤ ਧਿਰਾਂ ਨਾਲ ਗੱਲ ਕੀਤੇ ਬਿਨਾਂ ਕੁਝ ਵੀ ਢਾਹੁਣ ਦਾ ਆਦੇਸ਼
ਦਿੱਤਾ ਤਾਂ ਹੁਣ ਸ਼੍ਰੋਮਣੀ ਕਮੇਟੀ ਦੀ ਜ਼ਿੰਮੇਵਾਰੀ ਕਈ ਗੁਣਾ ਵੱਧ ਗਈ ਹੈ।
ਜੀਕੇ ਨੇਕਿਹਾ ਕਿ ਉੜੀਸਾ ਦੇ ਸਰਕਾਰੀ ਵਕੀਲ ਵੱਲੋਂ ਸੁਪਰੀਮ ਕੋਰਟ ਵਿੱਚ ਸੁਣਵਾਈ ਦੌਰਾਨ ਇਹ
ਦਾਅਵਾ ਕੀਤਾ ਗਿਆ ਹੈ ਕਿ ਸਿੱਖ ਜਥੇਬੰਦੀਆਂ ਨੇ ਸਰਕਾਰ ਨੂੰ ਉਕਤ ਮੱਠ ਢਾਹੁਣ ਦੀ ਆਗਿਆ ਦਿੱਤੀ ਸੀ, ਇਹ ਬਹੁਤ ਹੈਰਾਨੀ ਵਾਲੀ ਗੱਲ ਹੈ। ਇਹ ਮਨਜ਼ੂਰੀ ਕਿਹਨੇ ਅਤੇ ਕਿਉਂ ਦਿੱਤੀ, ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਨੂੰ ਤੁਰੰਤ ਜਾਂਚ ਕਰਨੀ ਚਾਹੀਦੀ ਹੈ।
ਹੁਣ ਸਿੱਖ ਰਾਜਨੀਤੀ ਵਿਚ "ਜਾਗੋ"
ਪਾਰਟੀ ਦੀ ਟੈਗਲਾਈਨ "ਨੀਹਾਂ ਤੋ ਲੀਹਾਂ ਤਕ"
ਜੀਕੇ ਬਣੇ ਪ੍ਰਧਾਨ
ਪਾਰਟੀ ਦੀ ਟੈਗਲਾਈਨ "ਨੀਹਾਂ ਤੋ ਲੀਹਾਂ ਤਕ"
ਜੀਕੇ ਬਣੇ ਪ੍ਰਧਾਨ
ਦਿੱਲੀ ਦੀ ਸਿੱਖ ਰਾਜਨੀਤੀ ਵਿੱਚ ਅੱਜ ਨਵੀਂ ਪੰਥਕ ਪਾਰਟੀ ਹੋਂਦ ਵਿਚ ਆਈ। ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਜੀਕੇ ਨੇ ਦੱਸਿਆ ਕਿ ਪਾਰਟੀ ਵਿੱਚ ਜਲਦ ਹੀ ਯੂਥ ਵਿੰਗ, ਮਹਿਲਾ ਵਿੰਗ, ਧਾਰਮਿਕ ਵਿੰਗ ਅਤੇ ਬੁੱਧੀਜੀਵੀ ਵਿੰਗ ਦੇ ਪ੍ਰਧਾਨਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਜਾਵੇਗਾ।
ਜਦੋਂ ਕਿ ਵਿਦਿਆਰਥੀ ਵਿੰਗ ਦੀ ਪ੍ਰਧਾਨ ਸ੍ਰੀ ਗੁਰੂ ਤੇਗ ਬਹਾਦਰ ਖਾਲਸਾ ਕਾਲਜ ਸਟੂਡੈਂਟਸ ਯੂਨੀਅਨ
ਦੀ ਪ੍ਰਧਾਨ ਤਰਨਪ੍ਰੀਤ ਕੌਰ ਨੂੰ ਨਿਯੁਕਤ ਕੀਤਾ ਗਿਆ ਹੈ। ਨਾਲ ਹੀ ਪਾਰਟੀ ਦੀ ਇਕ ਸਲਾਹਕਾਰ ਕਮੇਟੀ
ਦਾ ਗਠਨ ਕੀਤਾ ਜਾਵੇਗਾ, ਜਿਸ ਵਿਚ ਵੱਖ-ਵੱਖ ਖੇਤਰਾਂ ਦੇ ਉੱਘੇ ਪੇਸ਼ੇਵਰ ਪੰਥ ਨੂੰ ਸੇਧ ਦੇਣਗੇ। ਸੰਗਠਨ ਦੇ ਮਾਮਲੇ
ਵਿਚ ਦਿੱਲੀ ਕਮੇਟੀ ਦੇ 46 ਵਾਰਡਾਂ ਨੂੰ 5 ਜ਼ਿਲ੍ਹਿਆਂ ਵਿਚ ਵੰਡਿਆ ਗਿਆ ਹੈ। ਇਨ੍ਹਾਂ ਜ਼ਿਲ੍ਹਿਆਂ
ਦਾ ਨਾਂਅ 5 ਸਿੱਖ ਜਰਨੈਲਾਂ ਦੇ ਨਾਮ 'ਤੇ ਰੱਖਿਆ ਗਿਆ ਹੈ ਜਿਨ੍ਹਾਂ ਨੇ 1783 ਵਿਚ ਦਿੱਲੀ
ਨੂੰ ਫਤਹਿ ਕੀਤਾ ਸੀ। ਕਮੇਟੀ ਦੇ ਹਰੇਕ ਜ਼ਿਲ੍ਹੇ ਵਿੱਚ 9-10 ਵਾਰਡ ਹੋਣਗੇ। ਪੂਰਵੀ ਦਿੱਲੀ
ਜ਼ਿਲ੍ਹੇ ਦਾ ਨਾਮ ਬਾਬਾ ਬਘੇਲ ਸਿੰਘ ਦੇ ਨਾਂਅ ਤੇ ਰੱਖਿਆ ਜਾਵੇਗਾ ਜਦੋਂ ਕਿ ਮੱਧ-ਪੱਛਮੀ ਦਿੱਲੀ
ਜ਼ਿਲ੍ਹੇ ਦਾ ਨਾਂਅ ਬਾਬਾ ਜੱਸਾ ਸਿੰਘ ਆਹਲੂਵਾਲੀਆ, ਪੱਛਮੀ ਦਿੱਲੀ ਜ਼ਿਲ੍ਹਾ ਬਾਬਾ ਜੱਸਾ ਸਿੰਘ
ਰਾਮਗੜ੍ਹੀਆ, ਦੱਖਣੀ ਦਿੱਲੀ ਜ਼ਿਲ੍ਹੇ ਦਾ ਨਾਂਅ ਜਥੇਦਾਰ ਮਹਾਂ ਸਿੰਘ ਸ਼ੁਕਰਾਕੀਆ ਅਤੇ ਉੱਤਰੀ ਦਿੱਲੀ
ਜ਼ਿਲ੍ਹੇ ਦਾ ਨਾਮ ਜਥੇਦਾਰ ਤਾਰਾ ਸਿੰਘ ਘੇਬਾ ਦੇ ਨਾਮ 'ਤੇ ਰੱਖਿਆ ਗਿਆ ਹੈ।
ਜੀਕੇ ਨੇ ਕਿਹਾ ਕਿ ਪੰਥਕ ਪਾਰਟੀ ਹੋਣ ਦੇ ਨਾਤੇ ਪਾਰਟੀ ਦਾ ਕਾਰਜ ਖੇਤਰ ਭਾਰਤ ਅਤੇ ਵਿਦੇਸ਼ਾਂ
ਵਿਚ ਵਸਦੇ ਸਿੱਖਾਂ ਦੀ ਆਵਾਜ਼ ਬਣ ਕੇ ਭਾਈਚਾਰੇ ਦੀ ਬਿਹਤਰੀ ਲਈ ਕੰਮ ਕਰਨਾ ਹੋਵੇਗਾ। ਮੰਗ ਅਤੇ
ਸਹੂਲਤ ਦੇ ਅਨੁਸਾਰ ਪਾਰਟੀ ਦੀਆਂ ਇਕਾਈਆਂ ਦੀ ਸਥਾਪਨਾ ਭਾਰਤ ਅਤੇ ਵਿਦੇਸ਼ਾਂ ਵਿੱਚ ਕੀਤੀ ਜਾ ਸਕਦੀ
ਹੈ। ਜੀਕੇ ਨੇ ਮੀਡੀਆ ਸਾਹਮਣੇ ਪਾਰਟੀ ਦਾ ਲੋਗੋ ਵੀ ਜਾਰੀ ਕੀਤਾ। ਜਿਸ ਵਿਚ ਪਾਰਟੀ ਦੀ ਟੈਗ ਲਾਈਨ ''ਨੀਹਾਂ ਤੋਂ ਲੀਹਾਂ ਤਕ'' ਲਿਖੀਂ ਹੋਈ ਸੀ। ਜਿਸਦਾ ਅਰਥ ਹੈ ਕਿ ਸਿੱਖ ਗੁਰੂਆਂ
ਵਲੋਂ ਪੰਥ ਦੀ ਰੱਖੀ ਗਈ ਨੀਂਹ ਤੋਂ ਬਾਅਦ ਸਿੱਖ ਭਾਈਚਾਰੇ ਨੂੰ ਦਰਸਾਈ ਗਈ ਸਿਧਾਂਤਕ ਅਤੇ
ਅਧਿਆਤਮਿਕ ਲਕੀਰ 'ਤੇ ਚੱਲਦਿਆਂ ਸਿੱਖ ਭਾਈਚਾਰੇ ਦੀ ਅਵਾਜ਼ ਬਣਿਆ ਜਾ ਸਕੇ। ਜੀਕੇ ਨੇ ਕਿਹਾ ਕਿ 1950 ਤੋਂ ਦਿੱਲੀ ਦੀ ਸੰਗਤ ਨੇ ਨਿਰੰਤਰ ਮੇਰੇ ਪਰਿਵਾਰ 'ਤੇ ਭਰੋਸਾ ਦਿਖਾਇਆ ਹੈ। ਮੇਰੇ ਪਿਤਾ ਜਥੇਦਾਰ ਸੰਤੋਖ ਸਿੰਘ ਅਤੇ ਮੇਰੇ ਵਲੋਂ ਕੌਮੀ ਭਾਵਨਾਵਾਂ
ਅਤੇ ਉਮੀਦਾਂ ਨੂੰ ਸਮਝਦੇ ਹੋਏ ਮਹੱਤਵਪੂਰਣ ਕੰਮ ਕੀਤੇ ਗਏ ਹਨ। ਪਰ ਇਸ ਸਮੇਂ ਦਿੱਲੀ ਦੀ ਸੰਗਤ
ਆਪਣੇ ਆਪ ਨੂੰ ਠੱਗਿਆ ਹੋਇਆ
ਮਹਿਸੂਸ ਕਰ ਰਹੀ ਹੈ। ਕਿਉਂਕਿ ਰਾਜਨੀਤਿਕ
ਜਾਲਾਂ ਅਤੇ ਸਾਜਿਸ਼ਾਂ ਦੇ ਤਹਿਤ ਮੈਨੂੰ ਰਾਜਨੀਤਿਕ ਤੌਰ 'ਤੇ ਬੇਦਖਲ ਕੀਤਾ ਗਿਆ ਸੀ। ਪਰ ਹੁਣ ਹਰ ਕੋਈ ਸਮਝ ਗਿਆ
ਹੈ ਕਿ ਅਸਲੀਅਤ ਕੀ ਹੈ।
ਜੀਕੇ ਨੇ ਕਿਹਾ ਕਿ ਹੁਣ ਸੰਗਤ ਖੁਦ ਗੁਰੂ ਚਰਨਾਂ ਵਿਖੇ ਮੇਰੀ ਅਗਵਾਈ ਲਈ ਅਰਦਾਸਾਂ ਕਰ ਰਹੀ
ਹੈ। ਇਸ ਲਈ ਸੰਗਤਾਂ ਦੀ ਭਾਵਨਾਵਾਂ ਦੀ ਕਦਰ ਕਰਦੇ ਹੋਏ ਇਕ ਨਵੀਂ ਪਾਰਟੀ ਬਣਾਈ ਗਈ ਹੈ। ਨਾਲ ਹੀ, ਦਿੱਲੀ ਵਿਚ 10000 ਸਰਗਰਮ ਮੈਂਬਰ ਬਣਾਉਣ ਦੀ ਪ੍ਰਕਿਰਿਆ ਨੂੰ ਆਫਲਾਈਨ ਅਤੇ ਆੱਨਲਾਇਨ ਦੋਵਾਂ
'ਤੇ ਸ਼ੁਰੂ ਕੀਤਾ ਜਾਵੇਗਾ। ਜਿਸਦੇ ਲਈ ਪਾਰਟੀ ਦੀ ਵੈਬਸਾਈਟ, ਫੇਸਬੁੱਕ, ਵਟਸਐਪ, ਟਵਿੱਟਰ, ਇੰਸਟਾਗ੍ਰਾਮ ਅਤੇ ਯੂ-ਟਯੂਬ ਲਈ ਸੋਸ਼ਲ ਮੀਡੀਆ ਅਕਾਉਂਟ ਬਣਾਏ ਗਏ ਹਨ। ਪਾਰਟੀ ਦਾ ਮੁੱਖ
ਦਫਤਰ ਪੂਸਾ ਰੋਡ 'ਤੇ ਹੋਵੇਗਾ। ਜੀਕੇ ਨੇ ਕਿਹਾ ਕਿ ਅਸੀਂ ਉਸਾਰੂ ਵਿਰੋਧੀ ਧਿਰ ਦੀ ਭੂਮਿਕਾ ਨਿਭਾਵਾਗੇਂ। ਅਸੀਂ
ਕਮੇਟੀ ਦੇ ਚੰਗੇ ਕੰਮਾਂ 'ਤੇ ਸ਼ਾਬਾਸ਼ੀ ਦੇਵਾਂਗੇ ਅਤੇ ਗਲਤ ਕੰਮਾਂ 'ਤੇ ਵੀ ਸਖਤ ਖਿੱਚ ਪਾਵਾਂਗੇ। ਜੀਕੇ ਨੇ ਤਾਹਨੇ ਮਾਰਦੇ ਹੋਇਆ ਕਿਹਾ ਕਿ ਸੰਗਤਾਂ ਦੀ ਵੱਡੀ
ਗਿਣਤੀ ਦੱਸਦੀ ਹੈ ਕਿ ਮੈਂ ਸੰਗਤ ਦਾ ਮੁਖੀ ਹਾਂ, ਪਰ ਉਹ ਮੈਂਬਰਾਂ ਦਾ ਪ੍ਰਧਾਨੁ ਹੈ। ਜੀਕੇ ਨੇ ਇਸ
ਮੌਕੇ ਦਿੱਲੀ ਦੇ ਪੁਰਾਣੇ ਸਿੱਖ ਆਗੂਆਂ ਨੂੰ ਵੀ ਯਾਦ ਕੀਤਾ।
0 Response to "ਖਬਰਾਂ--ਸਾਲ-10,ਅੰਕ:17,17ਅਕਤੂਬਰ2019"
Post a Comment